Home Wararka Maanta Madaxweyne Trump oo eryay Madaxii Shaqaalaha Aqalka Cad!

Madaxweyne Trump oo eryay Madaxii Shaqaalaha Aqalka Cad!

325
0
SHARE

Madaxweynaha Mareykanka Donald Trump ayaa u magacaabay xoghayihiisa Amniga gudaha John Kelly inuu noqdo madaxa Shaqaalaha Aqalka Cad, kadib marki xilkaasi laga qaaday Reince Priebus.

Go,aankan ayuu madaxweyne Trump ku iclaamiyey qoraal uu soo dhigay bartiisa Twitter-ka waxyar kadib marki uu kasoo laabtay munaasabad uu kaga qeybgalay gobolka New York.

Reince Priebus, oo horay madax uga soo noqday Guddiga Qaran ee Jamhuuriga ayaa muddooyinkba bartilmaameed u ahaa hadalo la isla dhaxmarayey oo sheegayayey inuu qarka u saaranyahay inuu waayo shaqadiisa.

Waxaa ugu danbeyey hadal uu agaasimaha cusub ee Warfaafinta Aqalka Cad uu si aanan gabasha lehen ugu duray Mr. Priebus oo uu ku sheegay inuu yahay qofka warbaahinta u dusiya siraha Aqalka Cad.

Sababaha dhabta ah ee ka danbeeya inuu xilkiisa waayo Reince Priebus ayaanan si rasmi ah loo caddeyn, balse labadi todobaad ee lasoo dhaafay wuxuu ahaa nin go,doonsan.

Iyada oo wariyaasha kula hadleysay Aqalka Cad, xalay fiidki ayey Xoghayaha Warfaafinta Aqalka Cad Sarah Huckabee Sanders sheegtay, in wadahadalada ku saabsan xil ka qaadista ay muddo laba todobaad ka hor wada bilaabeen madaxweyne Trump iyo Reince.

Wareysi uu siiyey Telefeshinka CNN kadib marki uu iska casilay xilka ayuu Mr. Priebus dhankiisa ka sheegay in madaxweynaha uu doortay inuu qaato waddo kale.

Madaxa cusub ee shaqaalaha Aqalka Cad, John Kelly waa general afar xidigle howlgab ah oo usoo shaqeeyey ciidamada badda Mareykanka.

Comments

comments

LEAVE A REPLY

Please enter your comment!
Please enter your name here